|
Soos verlede week wil ek in hierdie week se nuusbriefie verder met jou gesels oor die verskil wat daar is in ons nuwe verbondsverhouding met die lewende God wat ons deel geword het as gelowige volgelinge van Jesus, teenoor die ou wettiese verhouding wat die Ou Testamentiese volk met God gehad het. En die rede waarom ek dit doen is omdat daar deesdae soveel misverstand en dwalinge hierrondom verkondig word in sogenaamde vernuwende kringe.
My gebed is dat die waarheid werklik mense sal vrymaak wat maar weer gebind was deur die vyand, en die meeste ander van julle net nog sterker sal fundeer in die waarheid van die Evangelieboodskap.
Groetnis
Christo en Hetta Nel
Dag 99 – Die nuwe wet van die Koninkryk – deel 2
Ek is besig om met jou oor die verskil tussen “die wet op klip” (of Ou-Testamentiese wettiese gedeeltes) en die “wet op die hart” (waarvan die Nuwe Testament praat wat nou vir die volgelinge van Jesus geld) te gesels.
In Jes. 2:2-3 en in Miga 4:1 tot 2 kry ons die profetiese oproep: “En aan die einde van die dae sal die berg van die huis van die HERE vasstaan op die top van die berge en verhewe wees bo die heuwels, en die volke sal daarheen toestroom. En baie nasies sal heengaan en sê: Kom, laat ons optrek na die berg van die HERE en na die huis van die God van Jakob, dat Hy ons in sy weë kan leer en ons in sy paaie kan wandel. Want uit Sion sal die wet uitgaan en die woord van die HERE uit Jerusalem.”
Die Hebreeuse woord, Tora, dui gewoonlik die eerste vyf boeke in die Ou Testament aan wat deur Moses geskryf is, maar in die Skrifgedeeltes wat ek hierbo aangehaal het, gaan dit oor ’n nuwe era.
In hierdie nuwe era is die “tempel van God” nie meer ’n gebou gemaak van klip nie, maar die Ekklesia, die volgelinge van Jesus Christus, in wie God self woon deur Sy Heilige Gees. En in hierdie nuwe era, sê gedeeltes soos Jer. 31:31-34 en Eseg. 36:21-31, gaan hulle ’n nuwe wet hê, ’n wet binne-in hulle, want God se Gees gaan self in hulle kom woon om self vir hulle God se bedoelinge met die wet van ouds te leer.
Lees verder deur hier te kliek ...Dag 99 - Die wet van die Koninkryk (deel 2)
|
